[sueche] Lüüt für e schwiizer streamer/YT gamer Gruppe

Ich han nöd rächt gwüsst won ich das suscht hetti sele ine schriibe, darum ischs ez in "Werbing" gfalle

Sali zäme, ich bin de JD aka Consi la Brit und ich hetti voll bock zum mit ere Gruppe vo ca total 2-6 Lüüt z Streame / YT let's plays z mache.

Das ganze isch eifach mal e Idee und ich han dänkt ich schrieb das eifach mal da ine.

Mir isch dur de Chopf gange, dass mer halt s meischte in Schwiizerdütsch mache chan und viellicht no paar Sache in Dütsch und Änglisch.

Über d Persone han ich mer gedanke gmacht, dass die vom Charakter her halt möglichscht fröhlich sind und nöd grad ab allem usrüefed. Zum bispil, wenn mal was nöd lauft dass denn hald chönd säge es isch nur es Spiel. Nach em Motto: Schade wars, wiiter gahts. Und dass halt nöd grad rage quited wird, sondern au mal en bittere Misserfolg ertreit wird.

Vo wäge Games bin ich (no) relativ bescheide unterwägs:

AoE3, Arma 3, AC3, CoD BO1/MW1/MW2/MW3, DiRT Rally, Far Cry 2, Hitman absolution, Insurgency, MadMax, PayDay 1/2, Portal 2, Rocket League, RCT 3, Sanctum 2, Trackmania Turbo, C&C Alarmstuf Rot, Battlefield 3/4, CS:GO, Minecraft, Rainbow Six Siege, (LoL).

Mer gseht, ich bin eher uf de Ego-Shooter Schiene, han e chli Racing debi und es biz Strategie. RPGs wie WoW, Dota oder LoL ligged mier leider nöd eso. Ich bin aber grundsätzlich offe für nois und viellicht klappets ja mit de richtige Lüüt au mit me RPG

Wer Interesse hed oder öpper kännt, wo da viellich au no wür mitmache, schriebed mich eifachd a.

Wie gseit, das isch eifach mal e Idee. Ich bin au offe für Amerkige und Tipps.

Greez Consi

Grundsätzlich isch d Idee scho nöd schlecht, aber ob du da öper findsch, wo effektiv mitmache will, wird wohl au nöd so riesig si.

Has ja selber mal mit öperem da für churzi Ziit probiert und isch denn doch eher schnell wieder verworfe worde.

Es isch au nöd grad eifach mit öperem womer überhaupt nöd kennt so öpis zstarte.

Ja, ich weiss. Nur wenn mer nüt macht ischs nur e verpuffti Idee und s chan au nüt drus werde. Darum han ich dänkt ich schriebe eifach mal und luege was debii use chunnt. En Versuech ischs wert.

übrigens bin ich au da no am schriebe:

http://www.gamerbase.ch/forums/topic/sueche-lueuet-fuer-e-schwiizer-streameryt-gamer-gruppe/#post-867227

Vilicht findsch ja wer, aber i wör da nöd zsehr druf setze.

Mer hent ja paar Lüüt da wo eifach sich chli um ihren Stream / Youtube-Channel kümmeret. Für mi isch es scho kei Option, wil i halt mi defür entschiede ha, kei Sprachufnahmene vo mir zmache abgseh vo Gameslogs.